越翠苑

營業中

休息中

特色蟹膏湯檬呢間餐廳喺荃灣區內都算係老字號，好多人都推介話幾正宗陳，今日lunch time過嚟試吓一個人冇嗌好多嘢，淨係叫咗個蟹膏湯檬。碗粉一嚟到都幾令人喜出望外有好多唔同嘅餸，有兩塊越南扎肉，豆卜，半個蕃茄，一啲嘅九層塔同生菜，仲有豬紅，當然唔少得嘅就係蟹膏蟹肉啦。蟹膏蟹肉，我覺得不過不失，其他配菜都係正常發揮。反而當中最出色嘅我覺得係越南扎肉，佢唔似得坊間其他餐廳咁，粉漿比例比較重。 佢啲扎肉係彈牙結實，亦都有啲啫喱狀嘅汁，我識到我都想encore。我諗下次我會叫淨扎肉。佢個湯頭唔算好重味精食完唔會太口渴，我都飲咗幾大碗。