船皇 (大埔超級城) (已結業)

已經三年無返我嘅鄉下泰國啦，間唔中我都會食泰國嘢，船麵係我其中一樣我鍾意食嘅泰國嘢。大埔呢間方便我，所以我間唔中都會落嚟食，今次我order 咗二人餐，$198非常之抵，可以揀兩個主食，1個小食，1個秘醬通菜，同埋兩杯飲品加$30仲有個芒果糯米飯🍜 船皇湯麵$58（單點價）**配料非常足，有牛腩、牛丸、牛肉片、雞翼、雞絲、豬肉、豬肉丸、豬潤😆同埋最重要嘅炸豬皮。。船麵個湯底做得唔錯，好濃又唔會一味得個鹹，又冇腥味，好香牛肉味。船麵有幾款面底可以選擇嘅：蛋麵、米線、河粉、金邊粉。我今次就揀咗蛋麵，麵身做得幾彈牙，同埋有淡淡的蛋味，完全吸收晒湯嘅精華👍🍜泰式滷水豬仔脾飯$72（單點價）**泰國米配三隻豬仔脾，雖然隻豬仔脾唔係好大隻，但係煮得都好淋，同埋個滷水汁都好入味，又香口，配合泰國米同埋個汁幾好食😁🐖 泰式串燒4串串燒牛舌、沙嗲雞肉、沙嗲豬肉、牛柳粒😊- **秘製沙嗲醬汁做到好有泰式味道，少少辣少少椰汁味，燒到啱啱好，唔會太熟。幾好食👍**芒果糯米飯甜品芒果糯米飯超大碟，佢個椰汁調教到幾似泰國食到嘅味道，幾正宗、少少鹹少少甜，又好香椰香味。食完呢個真係好飽，呢個二人餐真係超值。