影片
更多
2020-07-11
273 瀏覽
❀ Cocina 3 Tapas Restaurant & Bar #大角咀❀❗️特色西班牙菜 啱晒飲番杯chill下❗️——————————————————以為奧海城只有啲大型連鎖食肆，點知同朋友發掘到呢一間特色西班牙兼酒吧餐廳🇪🇸的確幾有驚喜！雖然佢哋嘅食品並非最正宗嘅煮法，但混入左創意，同樣呈現出一碟碟垂涎三尺嘅菜式😋。.餐廳用上磚塊裝修，內裏用上鮮紅色嘅櫈，感覺置身於酒窖之中🍷播住搖滾嘅西班牙音樂，有得嘆西班牙食物同埋酒，啱晒一班朋友嚟敘舊。除咗西班牙海鮮飯、意粉、扒，佢哋仲有多款特色西班牙小食。.✷𝑀𝑒𝓃𝓊✷☞ 西班牙雞肉辣肉腸燴飯🍲$138 見西班牙海鮮飯比較貴，所以退而求其次揀咗呢一個燴飯，冇諗過有幾有驚喜🤩用上大大粒圓身意大利飯粒，粒粒都浸滿左落番茄醬，煮到 al dente，加上滑嫩雞肉同香辣西班牙辣肉腸，意想不到嘅美味。味道: 4.2/5 性價比:4/5.☞ 香煎蟹餅🦀$108超大舊，外層香脆但一啲都唔油膩。內裏用上大量蟹肉同埋蝦膠，所以都幾紮實彈牙，唔使點醬都夠香👍🏻。味道: 4/5 性價比:4/5.☞ 陳醋燴豬仔脾🐷$138一份有三條豬仔脾🐽有趣地加入左港式味道陳醋
❗️特色西班牙菜 啱晒飲番杯chill下❗️
——————————————————
以為奧海城只有啲大型連鎖食肆，點知同朋友發掘到呢一間特色西班牙兼酒吧餐廳🇪🇸的確幾有驚喜！雖然佢哋嘅食品並非最正宗嘅煮法，但混入左創意，同樣呈現出一碟碟垂涎三尺嘅菜式😋。
.
餐廳用上磚塊裝修，內裏用上鮮紅色嘅櫈，感覺置身於酒窖之中🍷播住搖滾嘅西班牙音樂，有得嘆西班牙食物同埋酒，啱晒一班朋友嚟敘舊。除咗西班牙海鮮飯、意粉、扒，佢哋仲有多款特色西班牙小食。
.
✷𝑀𝑒𝓃𝓊✷
☞ 西班牙雞肉辣肉腸燴飯🍲$138
見西班牙海鮮飯比較貴，所以退而求其次揀咗呢一個燴飯，冇諗過有幾有驚喜🤩用上大大粒圓身意大利飯粒，粒粒都浸滿左落番茄醬，煮到 al dente，加上滑嫩雞肉同香辣西班牙辣肉腸，意想不到嘅美味。
味道: 4.2/5 性價比:4/5
.
☞ 香煎蟹餅🦀$108
超大舊，外層香脆但一啲都唔油膩。內裏用上大量蟹肉同埋蝦膠，所以都幾紮實彈牙，唔使點醬都夠香👍🏻。
味道: 4/5 性價比:4/5
.
☞ 陳醋燴豬仔脾🐷$138
一份有三條豬仔脾🐽有趣地加入左港式味道陳醋，酸酸甜甜又幾特別，而且豬仔脾真係好腍，不俗。
味道: 4/5 性價比:3.6/5
.
☞ 西班牙香燒乳豬仔🐖$98
每一份都係由一塊多士、沙律醬、青瓜、兩舊燒乳豬仔同埋蕃茄粒組成！我認為西班牙燒乳豬同港式嘅分別在於西班牙嘅脆皮係比較薄，唔會好似港式咁凹凸不平鞋鞋地，咬落去就好似薯片咁脆，油香十足🥰將用咗青瓜同蕃茄解膩，雖然份量比較少，但味道唔錯。
味道: 4.1/5 性價比:3.5/5
.
☞ 西班牙正宗奄列🍳$88
名為tortilla嘅西班牙奄列絕對係西班牙菜嘅特色，同港式奄列非常唔同，用上雞蛋同薯仔整成厚厚嘅一層✨內裏仲有青椒、豆，不過略嫌呢一間嘅味道唔夠香，而且薯仔比例過多，感覺有啲乾。
味道: 3/5 性價比:3/5
.
☞ Nuts🥜$40
Nachos配上酸忌廉，似係超市買到紅色包裝芝士味嘅嗰一款，聽聞可以無限refills，但就冇咁特別。
味道: 3.5/5 性價比:3.5/5
.
整體來講餐廳食物質素有驚喜🥰雖然賣相未係最吸引，但味道的確唔錯，嚟到奧海城大角咀呢邊想食西班牙菜嘅話呢一間都係唔錯嘅選擇👍🏻。
西班牙雞肉辣肉腸燴飯
$138
7 瀏覽
0 讚好
0 留言
西班牙雞肉辣肉腸燴飯
$138
43 瀏覽
0 讚好
0 留言
西班牙香燒乳豬仔
$98
74 瀏覽
0 讚好
0 留言
西班牙香燒乳豬仔
$98
51 瀏覽
0 讚好
0 留言
陳醋燴豬仔脾
$138
13 瀏覽
0 讚好
0 留言
陳醋燴豬仔脾
$138
42 瀏覽
0 讚好
0 留言
香煎蟹餅
$108
29 瀏覽
0 讚好
0 留言
西班牙正宗奄列
$88
11 瀏覽
0 讚好
0 留言
西班牙正宗奄列
$88
19 瀏覽
0 讚好
0 留言
張貼
