更多
2024-11-27
104 瀏覽
喺旺角嘅砵蘭街,新開咗一間西班牙餐廳,喺鋪頭前面擺放咗一棵櫻花樹,再配合如酒吧般嘅裝修,十分有特色,啱哂朋友眾會同時係打卡嘅好地方。西班牙水果酒食西班牙餐好難唔飲西班牙水果酒,色彩繽紛嘅水果配上西班牙紅酒、果汁、檸檬汁同肉桂等調味,十分容易入口又開胃。意大利香草包麵包上枱時依然係暖粒粒,入口非常軟熟而且十分香嘅香草味道。西班牙小辣椒烤小辣椒係西班牙其中一款特色小食,烤過之後辣椒嘅甜味同獨特嘅椒味顯得更加突出、更加之香。與傳統嘅製法一樣,辣椒表面鋪有鹽粒,調味之餘同時增加口感。野生紅蝦配芥末青蘋果野生紅蝦鮮甜彈牙,蝦味十分之濃郁。青蘋果絲配上芥末十分清新。兩者十分之match。鵪鶉髀鵪鶉髀表面烤得十分香口,而入口十分嫩滑。美國安格斯封門柳封門柳係牛橫隔膜旁嘅肌肉,每隻牛只得兩條,牛肉味十分之濃。我地選擇咗5成熟,煮嘅時間同休息嘅時間啱啱好,入口十分鮮嫩,唔鞋又唔韌。西班牙海鮮飯即點即製,等候嘅時間會較長,但都係值得嘅。上枱嘅時候會連埋平底鍋熱騰騰咁送上,店員都特意提醒我地非常之熱要小心。飯上面鋪滿新鮮的海蝦、蜆肉、青口、帶子和魷魚,海鮮的濃郁香氣非常誘人。海鮮飯粒粒分明,而且每一粒米飯都
西班牙水果酒
食西班牙餐好難唔飲西班牙水果酒,色彩繽紛嘅水果配上西班牙紅酒、果汁、檸檬汁同肉桂等調味,十分容易入口又開胃。
意大利香草包
麵包上枱時依然係暖粒粒,入口非常軟熟而且十分香嘅香草味道。
西班牙小辣椒
烤小辣椒係西班牙其中一款特色小食,烤過之後辣椒嘅甜味同獨特嘅椒味顯得更加突出、更加之香。與傳統嘅製法一樣,辣椒表面鋪有鹽粒,調味之餘同時增加口感。
野生紅蝦配芥末青蘋果
野生紅蝦鮮甜彈牙,蝦味十分之濃郁。青蘋果絲配上芥末十分清新。兩者十分之match。
鵪鶉髀
鵪鶉髀表面烤得十分香口,而入口十分嫩滑。
美國安格斯封門柳
封門柳係牛橫隔膜旁嘅肌肉,每隻牛只得兩條,牛肉味十分之濃。我地選擇咗5成熟,煮嘅時間同休息嘅時間啱啱好,入口十分鮮嫩,唔鞋又唔韌。
西班牙海鮮飯
即點即製,等候嘅時間會較長,但都係值得嘅。上枱嘅時候會連埋平底鍋熱騰騰咁送上,店員都特意提醒我地非常之熱要小心。飯上面鋪滿新鮮的海蝦、蜆肉、青口、帶子和魷魚,海鮮的濃郁香氣非常誘人。海鮮飯粒粒分明,而且每一粒米飯都裹著濃稠的海鮮汁,食落鹹香帶鮮,煙韌有嚼感。食之前再加上檸檬汁撈一撈佢,更加倍滋味。
張貼