Tapa Room (已結業)

位於山林道The Nate，主打西班牙Fusion菜。裝修格調帶點玩味，不失為chill out好選擇。✨血橙燒牛柳沙律牛柳條好腍好多汁，肉味濃亦帶有芝麻香。舖上滿滿既脆片，口感一流。加上香橙同血橙，多了一份清新感，顏色好靚💗✨黑毛豬火腿茄子卷西班牙最受歡迎既火腿。味道濃郁，肉質結實油潤。內裡包住茄子薄片同生菜，外層煙靭內裡爽脆，口感豐富。咸香黑毛豬配上酸甜柚子蜜醬汁，呢個配搭很不錯。✨煙紅椒酸辣單骨雞翼單骨雞翼炸得非常香脆，味道酸酸辣辣，好惹味😋✨巴塞隆拿式烤紅蝦好鐘意既一道菜💗大大隻紅蝦烤得非常香口，蝦殼好脆，蝦肉仍然爽口彈牙。蝦肉鮮甜，配上香草調味，好香。✨黑安格斯肉眼牛扒配香草青醬非常吸睛😍叫左Medium Well，拿捏得非常好。外層帶一份焦香，內裡肉質灰褐色，夾雜少量粉紅色。口感帶點煙靭，肉汁豐富。最讚係個香草青醬，非常香非常滑，將整體帶到另一層次。✨White Sangria✨Virgin SangriaSangria又稱西班牙水果酒，係西班牙傳統酒精飲料。前者帶有酒精，加入青蘋果、荔枝及熱情果味。後者無酒精，但果味濃郁，帶有少許薄荷葉香，非常清新。