Soul9+ (已結業)

印象中真係冇乜幾何嚟到北角食飯，原來依家係地鐵站附近都有咁多餐廳，地鐵站B4出口行幾步就係，都幾方便！之前上網見到呢間餐廳啲食物好精緻，所以好想過嚟試吓，今晚終於有機會啦！先來小食有檸檬雞翼，檸檬味就唔係太重，不過炸得幾薄，尤其香脆。雞軟骨餃子，幾有咬口。章魚小丸子，細細粒，外皮幾脆，而且呢個擺碟都幾吸睛。海膽煙燻玉子燒，基本上個個嚟到都會叫，因為實在太靚喇！一上枱有個透明盅罩住，一打開就有煙燻效果，真係好靚。味道方面，玉子燒好有煙熏味，而且份量都幾大分，可以幾個人share。主菜有海膽鵝肝黑松露意大利飯，一次過滿足晒你三個願望！海膽鮮甜，鵝肝夠大塊，黑松露溝埋意大利飯食好夾。鮮帶子意粉，賣相幾吸引，帶子夠大粒，而且新鮮。