火車頭越南餐室 (浣紗街)

營業中

休息中

食過好多間越南餐廳呢間食落有驚喜食物擺盤同份量十足餐廳內環境仿車站設計小食拼盤：越式炸春捲 ，層皮炸得好薄，咬落脆口。青木瓜乾牛肉沙律🥗，最驚喜係有牛肉碎，食落都幾夾味。沙爹雞肉串，配上沙爹汁，味道唔錯。蒸粉包同扎肉味道唔錯 。原個菠蘿炒飯🍍滿滿嘅炒飯，加咗提子乾同肉鬆，大舊菠蘿🍍，兩隻大大嘅鮮蝦，忍唔住食多兩碗飯菠蘿芒果沙冰🥤飲落味道冇期待中咁好飲，味道一般，原以為會酸酸甜甜咁。見到有幾張檯都係食火車頭，下次試試其他食物先。呢間我地都覺得比好多越南餐廳好味😋而且環境都幾chill。