品越越式料理 (士丹利街) (已結業)

有一排冇食越南菜，諗起呢間，幾個月前黎過食晚餐，d越式燒烤都唔錯，結果我同太太決定encore！先黎個小食拼盤。扎肉、米紙卷、粉卷，材料都好新鮮，配埋魚露，酸酸地，作為前菜真係好開胃。跟住我地叫左d平時好少見的越南菜。蒜蓉牛油焗青口：鋪左好多蒜蓉，焗到個面脆脆地，好香口。峴港焗扇貝：鋪左d酸菜，加埋牛油、忌廉，焗出黎好creamy好好味。香草比目魚：煎得剛剛好，外脆內軟，配埋雜菜沙律，一d都唔膩。今次叫左唔多野，兩個人食份量剛剛好，好滿足！