pho.dle.bar

營業中

休息中

好少過黎圓方哩邊，今日難得過黎就搵左哩間平時少食既越南fusion菜餐廳試下。餐廳分為兩邊，環境相當闊落，而且fusion菜有特色，菜式係出面比較少見。餐牌上面都好多菜式可以選擇，今次就揀左哩啲試下👇🏻🐷豬肋骨豬肋骨好食有驚喜！咬落去肉質軟嫩，醬汁味道酸甜開胃，上面仲有超多配料，包括椰菜絲、蘿蔔絲、生菜絲同芫荽，配搭清新唔會膩，好食推介👍🏻🦀️蟹肉大蝦蕃茄湯檬大蝦新鮮彈牙，入面仲有唔少蟹肉同豆卜，檬粉口感滑溜，湯底酸酸地，幾開胃，係清淡之選。🥙蒸粉包粉皮相當薄，而餡料就好多，包括蘿蔔粒粒、木耳粒粒同豬肉碎，上面仲有蟹肉、炸蒜、辣椒同香蔥，所以食落口感都幾豐富。🍊鮮柑桔梳打🍹荔枝梳打荔枝梳打顏色好靚，入面仲有荔枝肉。兩杯梳打都酸酸甜甜，解膩一流。整體黎講，餐廳食物都幾有特色，而且味道唔錯，想試下越南fusion菜都可以一試。