笑麵虎車仔麵 (已結業)

要搵一間啱口味嘅車仔麵絕對唔係一件易事，而我喺灣仔搵到啦！呢間笑麵虎開左一段時間，入面嘅裝修都幾有香港特色，餐牌更加係過咗膠之後再由顏色筆寫上去，可以循環再用，夠環保！我叫咗佢嘅自家湯底，而朋友就推介佢嘅蔬菜湯底，兩個湯底都好鮮甜架！我點左蘿蔔、豬頸肉、牛筋幼麵🤤蘿蔔好甜好入味，牛筋都好淋同好入味！相比之下，豬頸肉就無咁特別了！而令到呢碗車仔麵生色不少嘅係佢嘅辣汁，我叫咗中辣🌶，我覺得已經好辣了！將辣味融入佢鮮甜嘅湯底，好味！