麪譜車仔麵 (已結業)

約咗朋友一齊去做body, 做完兩個鐘頭body之後大家都感到個肚好空虛，就係附近揾間車仔麵坐低醫肚。呢間車仔麵店都幾有特色，鋪頭有幅feature wall真係好代表到香港，一路食一路懷念舊香港，真係另有一番風味。唔好睇佢係一間小小嘅店舖，佢嘅車仔麵都幾多元化，面底有多種選擇，湯底種類多，車仔餸更加係正，無論係佢嘅味道，同埋佢嘅餸名都好搞鬼😂我哋又叫左個滷水雞翼尖，佢個滷水汁簡直係一絕，雞翼尖應該係炆咗好耐，入哂味，入口即化，死味。真係好食到暈🥲隨車仔麵附送任食辣菜譜加酸蘿蔔，自家製係唔同啲嘅，同佢店一樣好有特色！