元元酸菜魚

營業中

休息中

*此餐廳收取加一服務費。中辣酸辣湯（單點$98），好足料，包括有豬肉絲、冬菇絲、豆腐、竹筍絲、木耳絲、雞蛋，味道正宗，但價錢稍貴。中辣大盆花菜（單點$88），辣度3分，椰菜花口感爽脆帶腍，配料包括有香蔥、芫荽。小辣螞蟻上樹（單點$82），經典川菜，其實係免治豬肉碎炒粉絲，豬肉碎掛喺粉絲上嘅模樣，就好似螞蟻爬上樹一樣，因而得名，菜式名字非常有意境，因為粉絲主要依靠豆瓣醬調味，所以食落辣度2分，但都惹味。元元招牌粗炒（單點$78），內有豬肉絲、椰菜、小棠菜、木耳絲、冬菇，粗麵口感煙韌。小辣川北涼粉（單點$48），比較失望，涼粉口感厚實，而且完全無味，味如嚼蠟，而且只係依靠辣椒油、芝麻調味，麻、辣、酸皆欠奉，整體食落好油膩。三只黑金流沙包（單點$28），熱辣辣，麵包口感鬆軟，鹹蛋黃餡料份量多，味道鹹香。黃金饅頭（單點$28），即叫即炸，口感外香脆內軟熟，配以煉奶食用，甜度適中，經典配搭。中杯果果吃酵醋（單點$35），顧名思義，就係酵醋加水果，酵素有六款口味，而水果就有七款選擇，水蜜桃酵醋配蘋果及蘆薈，水蜜桃酵醋味道清甜，蘆薈口感爽口，食落好Juicy。中杯果果吃酵醋（單點$35），青梅酵醋配