韓 炸雞 & 小食 (已結業)

自從行k11發現food court後面仲有一條食物巷仔，仲有賣韓國小食，就決定放工嚟幫襯下。呢間店都幾特別，賣嘅都係韓國現時好出名嘅小食，例如炸紫菜卷、炸雞x年糕串、無骨炸雞等，但店員係外國人haha，有種反差感。小食價錢普遍都唔算貴，但set就有少少貴，份量唔算少，但一個餐男仔可能會唔太夠食。-Set 1雞糕雞糕串、無骨炸雞、可樂呢間店竟然有賣炸雞x年糕串，第一次試嘅我都幾期待。本來以為係普通年糕，原來係經油炸處理。煙韌年糕配酥脆炸雞都幾新鮮。略甜嘅醬汁淋上無骨炸雞，減去膩感。-Set 2原味炸雞翅、雞腿雙拼、炸薯條、可樂炸雞翼同雞脾最令我驚喜係調味唔多，真係盡量保留雞件原味，炸衣亦唔算厚。雞肉質感嫩滑，帶微微肉汁。炸薯條都幾好食，無過多嘅鹽去吊味，反而食到薯仔原香。