平昌

營業中

休息中

今次嚟到旺角兆萬中心其中一間韓燒任食放題餐廳，餐廳主打韓國風味設計燒烤爐坐墊都非常有韓國風味，包括圓形嘅餐桌枱圓形鐵筒凳。一個小提議，如果大家有帶袋或者背囊可以放喺凳入邊有一個儲物位置💓今次我哋食咗一個大君放題餐，食物都非常豐富，各式各樣嘅牛仔骨，牛扒，牛肉，牛舌，肥牛。豬肉五花腩，豬肉片，雞翼，海鮮類包括有扇貝，虎蝦，鰻魚。鰻魚係熟食，另外配菜有生菜，芽菜，泡菜😀食物質素亦都非常有水準上菜速度亦很快服務亦都很好，而且食完韓燒都冇乜油煙味。另外佢仲有大醬湯，我自己非常喜歡。幸好我哋預早咗入座，所以環境比較舒適如果你想約同事或者朋友食任食韓燒嘅話記得早啲去，因為越夜越多人。😙另外見到佢嘅細緻餐，可以任食醬油蟹，如果鍾意食醬油蟹嘅人可以試吓😀