Chotto Maki (廈門街) (已結業)

咁耐冇得去旅行，當然好掛住壽司，係灣仔chotto maki，除咗可以食壽司，仲好特色飯卷，一次滿足兩個願望。好，睇下有咩好食先。Philadelphia 飯卷，上面有我最鍾意嘅牛油果，裡面有cream cheese加三六魚，食落口感油潤又豐富，一set有8件。加錢可以追加烏冬同沙律，烏冬滑嘟嘟，仲有紫菜腐皮。沙律菜都好新鮮。口痕一定要再點壽司，叫左油甘魚同帶子，好豐盈飽滿，包住舊飯，帶子食落又爽又甜，油甘魚就油脂感重，唔錯。