BnR (已結業)

天氣凍，喺荃灣想搵啲食完可以暖身嘅晚餐🍽️隨意入咗呢間湯麵店 原來主打健康靚湯底 有濃雞湯、鮮魚湯、冬陰功湯底🍲估唔到幾唔錯藥膳花膠雞淮山麵 $82追加手工韭菜餃+$13一上枱就聞到陣陣嘅藥材香 湯底清甜唔油膩 雞味濃郁 伴隨啲木耳杞子 有趣嘅係仲有一小條油炸鬼😆雞肉好滑喎 食落無雪藏味🫰🏻份量亦幾多 花膠爽口 追加嘅韭菜餃有2隻 外皮唔算好厚 肉餡足 淮山麵條幼細 軟硬適中 都叫幾掛湯 食完暖笠笠🫶🏻想飽肚啲亦都可以轉泡飯 睇一睇先知，原來仲有分店 街坊小店 簡簡單單都幾好味