蝦麵店 (荃新天地) (已結業)

近排荃灣開左好多新野，小編自己一個真好好難試得曬所以餐廳。所以小編就揀左間想食好耐既蝦麵店，佢系馬來西亞菜，主要有四種唔同特色既湯底揀。當日小編可能早左去，所以裏面無乜人，坐耐左間舖都滿得七七八八。有四種湯底揀，咁啱戈日我想食下辣野，就諗都唔諗叫左辣味蝦湯底配蝦肉肉片。麵底就揀左摻摻，系兩種唔同既麵組合而成，有油麵同米粉。仲額外加左四串沙爹雞串！碗麵到左，小編就即刻可以聞到蝦既香料味，而貌相就比較普通，不過香味真系超惹味。但係聞落去同食落肚真系有好大岀入，一飲佢啖湯，只系感受到蝦味，就無其他味道了，有一刻懷疑我既味覺！雖然味道方面欠佳少少，佢既配料都做得唔錯，蝦肉有少少爽口，而豬肉都唔會太乾太硬。面既方面就無太大問題，口感不錯。令到小編崩潰既系佢依四串雞串。尼到既時候，佢既外觀同香氣都令我期待左好耐，不過食落去好乾同無味。加左青檸汁同沙爹醬，佢都起生回生唔到無味呀～