桜

營業中

休息中

今日去元朗幫一個小朋友補習，工作前先醫肚。經過一間日式小店，主打外賣生意，店鋪細細但五藏俱全，手卷款式更加非常豐富。我超鐘意食三文魚，見到當然唔可以放過。厚切三文魚腩拼上蟹柳和青瓜，好適合夏天食呀入口魚香重魚油高，三文魚厚切口感好豐富，紫菜保持脆口，飯粒微暖有咬口。另外多叫一款熱食試試。炸軟殼蟹拼蟹柳拼蟹籽。軟殼蟹脆卜卜入口唔會有油溢味，炸粉夠薄入口好香口，大大一隻好霸氣蟹籽脆卜卜增加飯粒口感，最愛軟殼蟹的鮮味和蟹香。