一杯鐵板燒居酒屋 (已結業)

聽聞呢間居酒屋嘅大坂燒幾好食，所以就約埋朋友一齊去試試真偽～原本以為價錢都幾貴，但係除咗啲牛扒、羊架、鴨肉嗰啲之外，其他野食價錢都算係中等嘅待應問要水定要茶，但係無事先講話要收錢，所以我同朋友就懞惺惺咁叫咗壺茶，不過茶嘅味道唔錯，幾甘香，好配合陣間重味嘅大坂燒，好彩之後加水唔洗再俾錢打頭陣嘅就係一杯關西燒，用得餐廳名嘅菜式，相信一定係推介菜式黎，大大份嘅關西燒，一切開就見到滿滿嘅椰菜，而呢個關西燒主要係用牛筋，所以見到有一粒粒方形嘅牛肉粒同牛筋粒，啫喱狀嘅牛筋粒配爽脆嘅椰菜絲，口感配合幾特別。而且份量都頗大，仲偏向多菜，可以中和表面濃濃嘅酸甜燒汁普遍嘅菜式都係用啲正路嘅豬牛雞羊，呢到就用咗偏門嘅鴨肉，再配上日式麵條，整成呢碗合鴨蕎麥麵。鴨肉並唔係用一般嘅堙鴨胸，而係鴨肉片，鴨肉肉質都算嫩滑，而且有淡淡嘅燒汁味蕎麥麵幾幼細且有彈性，再加上大量嘅碎蔥，味道非常融洽我對鰻魚真係情有獨鍾，但係鰻魚都唔平，見到呢個鰻魚茶漬飯價錢都算適中，所以就叫一碗黎滿足下自己～相比起碗麵，呢碗飯嘅份量都幾少，而鰻魚都係細細粒，放埋紫菜同芥辣，再倒清茶落去，味道都幾淡，反而凸出咗烤鰻魚粒嘅味道