RUE DU LIBAN

山林道最近開咗間黎巴嫩餐廳。餐廳充滿異國風情，仲有不定期嘅肚皮舞表演。當日未到七點就full晒，建議想食就早啲訂位喇！✨Halloumi Arayes 芝士烤餅 $118烤餅包住濃郁而且又軟又彈嘅Halloumi cheese。最正係連bell pepper都係又軟又甜超好食。雖然一見到bell pepper嘅籽都有啲怕，不過係完全唔辣。✨Beef Short Ribs 地中海慢燉牛肋骨 $258牛肋骨除咗醬汁嘅甜味，仲有脂肪嘅香氣。望落好完整，但其實腍到入口唔使點咬已經化開晒。呢個肯定係我食過最正嘅牛肋骨！✨Chicken Fatteh 雞肉乳酪煮飯 $168乳酪有啲似sour cream，酸味幾出，而且質地好稠。撈埋白飯嘅飽肚感比想像中強。配料有雞肉、松子，仲有flat bread。