老馮茶居 (荃灣千色匯II)

平時我除咗鍾意食米線、西餐外，我都鍾意飲茶，可以慢慢嘆茶又食到好多唔同款嘅點心。今晚嚟到荃灣，經過千色匯被〈老馮茶居〉的古色古香的裝修風格吸引到，又有唔少人幫襯，就試吓呢間啦。我哋叫咗幾款點心：鵪鶉蛋燒賣皇 —鵪鶉蛋的蛋黃好香燒賣皮好薄，包住好多豬肉，豬肉好彈牙.鮮蝦腐皮卷 —腐皮炸到好脆，入面有好多蝦肉，爽口彈牙沾少少喼汁一齊食，好味.高湯菜心 —每條菜心都爽口，淋上甜豉油食，正常發揮.老馮金沙米皇腸 —呢款點心好特別，有驚喜！腸粉皮好薄，中間有一層炸脆米再包住蝦肉，入面好多粒蝦，食到好爽每啖都好脆 ，有3層口感，沾埋麻醬豉油一齊食，好好味🤩.鴛鴦臘味飯 —天氣涼涼地想食返碗臘味飯飯唔會煮得過爛，充滿油香；甜豉油好味臘腸夠硬，唔太肥，唔會太油膶腸好粉，有酒香，味道好濃郁臘肉肥瘦比例平均，沒有油耗味臘鴨髀 夠鹹香，鴨肉幾腍，沒有油耗味整體呢煲飯都唔錯👍🏻.薑汁燉鮮奶 —好滑溜！薑味唔太重，薑汁唔會蓋咗奶味我本身唔鍾意食薑，食到少少薑汁幾暖胃，食得好滿足😋.古法千層糕 —每層分明，手功出色👍🏻蒸得好鬆軟！好香蛋黃味，夾著椰絲，比例好好，兩者都好出，又唔會太甜！好好味😋