小富臨 (已結業)

星期日, 11點去到, 即刻有位, 桌面有個鐵筒子, 又有即棄膠手套, 原來預左好多人叫乳鴨食, $38隻, 有優惠卷的仲要買一送一,  超化算,  給best friend J 發現此優惠, 即叫一隻, 熱又嫩, 好味。其他點心由我發板 : 首先叫個四季三寶 (蘿蔔, 淮山及涼瓜) , 買相好別緻, 性價比高,  淮山配上橙汁, 雖不入味, 但算特別, 涼瓜不苦, 蘿蔔不辣。蟹肉啤梨果, 外形似甜點, 不過是蟹肉餡, 內裡蟹肉餡很少, 完全吃唔到蟹肉味。十三腰椰汁糕, 真係只為影相有趣, 小心麻雀面貼紙脫色, 椰汁糕無咩椰汁味, 喜歡清淡是可以的。星期日要和姊妹飲茶吹水, 地方唔錯,  點心多選擇, 買相特別一點, 美麗一點, 又唔貴, 茶位一位只收$8,  但服務很一般, 一開始便order公筷,  但無回音,  剛入坐時, 桌面又有上手的飯粒,  我都費時叫服務員清潔了, 自己用提供的濕紙巾清潔了便算。