常樂素食 (已結業)

今次係第一次食素菜。一直以來都覺得素菜係毫無味道的食物。但完來完全唔係，反而令我鐘意左。環境清静而且服務員態度好好，因為第一次食既關係，對住個餐牌完全叫咩好所以叫服務員推介比我地。叫左3樣餸，一個湯。呢度個湯一定要試，冇味精又足料，可惜係我冇影到相，因為實在忍唔住飲哂先記得原來冇影到。小籠包好特別係一個碟仔放一個，味道可以。雜菇露筍好好食，新鮮炒得剛剛好，唔會太淋。最驚喜既係個藍帶豬扒，明明係素，但我食到豬扒既味，雖然係炸，但食落完全唔覺得油。就係呢餐令我對素食改觀，又健康又好食。呢度仲有午餐架平均都係50到。下次會試下lunch黎食。試多幾款唔同做法既素食。