旺記冰室 (大本型) (已結業)

旺記既炒蛋咁出名，今次就黎試一試佢。多之前去過旺角果間分店，但因為實在太多人排隊，所以最後都係食唔到。今次黎到油塘，晚市都坐滿晒，但未至於要排隊，好快入得座。環境方面，Food Court既全開放式2設計，感覺好寬落開揚，燈光夠晒亮，照住『旺記冰室』呢個金漆照牌，哈。座位就岩岩好夠放一個餐，卡位就鬆動少少，無計喇香港寸金呎土。食物方面，叫左個雞扒忌廉麵豉湯烏冬佢主打個炒蛋，份量岩岩好，唔太多唔太少，如果太多會太利，未必係一件好事。個蛋幾重奶味，入口順滑。另外，就係大大塊既雞扒，食落都唔太乾，個皮夠晒脆。個餐有唔少野菜，都幾健康美味。個湯底不得不讚，比一般茶記既烏冬湯底都做得好，而且好濃郁，以及烏冬掛到少少湯，食落唔錯。