影片
更多
2025-03-18
365 瀏覽
今晚去了太子附近搵食，見到一間隱世文青小店，裝修幾靚，有點似歐陸小餐店，於是決定入去一試。一坐底就叫左個二人晚市套餐，套餐內每款都有好多選擇。首先點左個慢煮雞胸柚子汁沙律，雞肉微暖，蔬果爽脆而且種類豐富，柚子汁已調味，唔會太酸或太甜，非常開胃。今晚是日精選餐湯係番茄湯，湯夠熱，湯面上有少許忌廉，入口香滑。主菜點了咖啡燒汁烤豬仔髀，豬仔脾沾上大量的咖啡粉，入口味道很特別，先甘後甜，咖啡粉的味道更加突出到豬仔脾嘅鮮嫰肉味，配菜有焗薯，再加上甜醋汁配蔬菜，整個主菜都有不同的味道。經常周圍搵食嘅我都係第一次試依個配搭，實在有驚喜，睇得出廚師非常用心配搭食材。麵類我揀左蒜油花椒蜆肉意粉，意粉煙韌，花椒味好突出但又唔會太辣，值得一讚係蜆肉圍碟邊及舖底，令底層嘅意粉都唔會吸收太多油分。兩杯餐飲分別係柚子梳打同埋熱情果梳打，杯嘅外型好特別，味道清新。另外加點左一份黑松露薯條，薯條乾身，條條都脆，食完所有薯條都仲有黑松露醬淨，份量十足。最後亦係最意想不到就係個甜品，我揀左香蕉芝士蛋糕，蛋糕面有一層薄薄嘅脆皮焦糖，中間夾住大量嘅香蕉碎件，芝士同香蕉味剛好平衡，甜度亦剛剛好，配埋碟上嘅焦糖同埋果仁粒，真係好
一坐底就叫左個二人晚市套餐，套餐內每款都有好多選擇。首先點左個慢煮雞胸柚子汁沙律，雞肉微暖，蔬果爽脆而且種類豐富，柚子汁已調味，唔會太酸或太甜，非常開胃。今晚是日精選餐湯係番茄湯，湯夠熱，湯面上有少許忌廉，入口香滑。
主菜點了咖啡燒汁烤豬仔髀，豬仔脾沾上大量的咖啡粉，入口味道很特別，先甘後甜，咖啡粉的味道更加突出到豬仔脾嘅鮮嫰肉味，配菜有焗薯，再加上甜醋汁配蔬菜，整個主菜都有不同的味道。經常周圍搵食嘅我都係第一次試依個配搭，實在有驚喜，睇得出廚師非常用心配搭食材。
麵類我揀左蒜油花椒蜆肉意粉，意粉煙韌，花椒味好突出但又唔會太辣，值得一讚係蜆肉圍碟邊及舖底，令底層嘅意粉都唔會吸收太多油分。
兩杯餐飲分別係柚子梳打同埋熱情果梳打，杯嘅外型好特別，味道清新。
另外加點左一份黑松露薯條，薯條乾身，條條都脆，食完所有薯條都仲有黑松露醬淨，份量十足。
最後亦係最意想不到就係個甜品，我揀左香蕉芝士蛋糕，蛋糕面有一層薄薄嘅脆皮焦糖，中間夾住大量嘅香蕉碎件，芝士同香蕉味剛好平衡，甜度亦剛剛好，配埋碟上嘅焦糖同埋果仁粒，真係好出色。
餐廳內部裝修簡約，每個各落都有些小心思，食物用心製作，食材配搭出色，係一間高質號隱世小店。
張貼
