影片
更多
2021-07-23
46 瀏覽
包販子係一間主打特色fusion漢堡嘅cafe💛 呢年幾以來，佢哋都堅持唔做晚市堂食，好可惜佢哋做到7月25日就結業喇🥺😭 之前一路bookmark咗好耐都未有機會去食，終於都係要到佢哋結業前幾個星期先的起心肝去試～上次去嘅時候係星期日嘅中午12點半，等咗大約1個鐘先有位，因為餐廳入面嘅座位唔多，而且無安排搭枱，我哋2個人去但好好彩可以坐喺窗邊嘅4人枱～排隊嗰陣有得睇餐牌諗定食咩，不過牆上面仲有啲是日推介/期間限定嘅漢堡同飲品，係餐牌上面無寫㗎～•🥢 牛油果紫菜軟殼蟹包 $88個麵包係包販子自家製嘅，口感似丹麥酥咁外面酥脆，入面比較軟身，而且帶點牛油香～軟殼蟹超大隻，啲蟹腳同蟹鉗凸晒出嚟，勁吸引🤩 炸衣好薄，炸到脆卜卜但又乾身唔油，而且咬到入面仲發現隻軟殼蟹有啲蟹膏，好惹味😋個紫菜沙律醬聞落已經好香紫菜味，配炸嘢超夾，而且唔會好酸好搶味👍🏼 仲有好淋嘅牛油果片同埋生菜，食落清新啲～•🥢 北京填鴨包 $66呢款嘅麵包同軟殼蟹嗰款一樣～呢個Fusion配搭真係包販子先有😛 入面有北京填鴨肉(連少少皮)、青瓜片同埋京蔥絲，唔少得嘅就係北京填鴨嘅靈魂：甜麵醬🤤 食落啖啖肉，超足料👍🏼 整體配搭
上次去嘅時候係星期日嘅中午12點半，等咗大約1個鐘先有位，因為餐廳入面嘅座位唔多，而且無安排搭枱，我哋2個人去但好好彩可以坐喺窗邊嘅4人枱～排隊嗰陣有得睇餐牌諗定食咩，不過牆上面仲有啲是日推介/期間限定嘅漢堡同飲品，係餐牌上面無寫㗎～
•
🥢 牛油果紫菜軟殼蟹包 $88
個麵包係包販子自家製嘅，口感似丹麥酥咁外面酥脆，入面比較軟身，而且帶點牛油香～
軟殼蟹超大隻，啲蟹腳同蟹鉗凸晒出嚟，勁吸引🤩 炸衣好薄，炸到脆卜卜但又乾身唔油，而且咬到入面仲發現隻軟殼蟹有啲蟹膏，好惹味😋個紫菜沙律醬聞落已經好香紫菜味，配炸嘢超夾，而且唔會好酸好搶味👍🏼 仲有好淋嘅牛油果片同埋生菜，食落清新啲～
•
🥢 北京填鴨包 $66
呢款嘅麵包同軟殼蟹嗰款一樣～呢個Fusion配搭真係包販子先有😛 入面有北京填鴨肉(連少少皮)、青瓜片同埋京蔥絲，唔少得嘅就係北京填鴨嘅靈魂：甜麵醬🤤 食落啖啖肉，超足料👍🏼 整體配搭同個麵包好夾，鍾意食北京填鴨嘅真係要試！
•
🥢 陀地西多 $66
呢個西多係港式西多士嘅變奏版，下面係用包販子自家製嘅麵包整成嘅西多士，但平時食普通西多士會加嘅花生醬、糖漿、煉奶就變成花生味雪糕、焦糖漿、奶粉(?)，再加咗一啲花生糖粒，口感好豐富😋 上枱嘅時候圓形嘅西多熱辣辣，加埋上面嘅雪糕仲有冰火嘅感覺🤤 而且個多士一啲都唔油膩，細細份真係每人2、3啖就食晒🤭
•
🥢 西柚檸檬梳打 $40
西柚同檸檬味都好出，酸酸哋加埋梳打，好啱熱辣辣嘅夏天飲🥵 喺門口排咗一個鐘隊，飲呢杯梳打真係超爽，夠晒清新解渴🤤😆
•
🥢 凍檸茶加啲thyme $40
呢杯係牆上面嘅限定飲品～啲冰比較大粒，所以開頭要慢慢飲，但係啲冰溶晒都唔會太影響個味道~ 個檸茶嘅茶底係好飲嘅，而thyme嘅味就係香味為主，令到個檸茶有多一重香味，幾清新，但又唔算好特別，份量亦都比梳打細杯差唔多一半，比較起嚟就無咁抵飲喇～🙈
張貼
