KiKi滷麵 (已結業)

如果以台式拌麵黎講，KiKi麵屬於其中一個我都幾鍾意食既牌子，而最近都開左好多分店。最近就去左尖沙咀分店既【KiKi滷麵】叫左個外賣。尖沙咀分店主打外賣，但都有兩三個位可以係到食，但會少少窄。選擇困難症可以叫招牌套餐，但因爲我有D食材唔食，所以就叫左自由配啦。 百頁豆腐、甜不辣、花枝丸、牛筋、粗麵配特色獨家香葱鵝油。百頁豆腐、甜不辣、花枝丸、牛筋（配菜）就一早已經滷好，放入雪櫃，但點完餐之後就會加熱返，而麵係新鮮煮，之後再拌。全部都滷得好入味，但又唔會太鹹，香葱鵝油拌麵非常香，而且好重葱味。分量非常多。 寒天晶球蜂蜜茉莉綠茶：寒天晶球同蜂蜜俾得一D都唔小氣，非常refreshing。