影片
更多
2024-02-27
34 瀏覽
假日時間特別鍾意喺中上環附近徘徊，嗰頭好多特色Cafe小店可以逐一試下，每間小店都有佢哋嘅故事值得我哋去發掘！今次呢間Cafe喺港大附近，有兩層高，店舖內用上黑色作為主調，樓上就比較偏向家庭風格，仲有啲懶人椅，有足夠嘅空間提供比客人聚會、做自己嘢慢慢Hea！小店由店主一人一手打理，店主對咖啡好有要求，味道配搭同品質一啲都唔馬虎，有好多熟客仔專程過嚟飲返杯啡！☕️-——————————————🍝◖羅勒辣肉腸意粉◗ $95小店人手有限，每日有五款意粉，每日嘅款式都有機會唔同，好似開盲盒咁！辣肉腸帶輕微嘅辣味，意粉煮得口感啱啱好，每條都掛晒啲茄醬，味道微辣特別開胃！🍳◖All Day Breakfast◗ $98全日早餐係Cafe必點嘅菜式，一次過可以試晒咁多款食材！呢個ADB有煙三文魚、車打芝士脆皮腸、炒蛋、白蘑菇、沙律同牛角包，超豐富！佢嘅炒蛋同脆皮腸做得唔錯，夾埋個牛角包一齊食，正！🍹◖Apple Tea Coffee◗ $60咖啡豆偏fruity，有淡淡嘅蘋果香，成杯嘢嘅感覺好清好香☕️◖Hojicha Chocolate Latte◗ $55焙茶同朱古力嘅香味出奇地夾，都唔會互相掩蓋，
-——————————————
🍝◖羅勒辣肉腸意粉◗ $95
小店人手有限，每日有五款意粉，每日嘅款式都有機會唔同，好似開盲盒咁！辣肉腸帶輕微嘅辣味，意粉煮得口感啱啱好，每條都掛晒啲茄醬，味道微辣特別開胃！
🍳◖All Day Breakfast◗ $98
全日早餐係Cafe必點嘅菜式，一次過可以試晒咁多款食材！呢個ADB有煙三文魚、車打芝士脆皮腸、炒蛋、白蘑菇、沙律同牛角包，超豐富！佢嘅炒蛋同脆皮腸做得唔錯，夾埋個牛角包一齊食，正！
🍹◖Apple Tea Coffee◗ $60
咖啡豆偏fruity，有淡淡嘅蘋果香，成杯嘢嘅感覺好清好香
☕️◖Hojicha Chocolate Latte◗ $55
焙茶同朱古力嘅香味出奇地夾，都唔會互相掩蓋，成杯咖啡唔會太甜，先飲出焙茶嘅香味，再帶可可嘅餘韻，味道比較較有層次
🌟Encore指數：8.7/10
張貼
