牛陣 (卓爾廣場)

營業中

休息中

日本產 特選黑毛和牛 放題套餐(90 分鐘) $429位牛陣屯門分店新開張，位於卓爾居商場2樓，環境乾淨企理，店員有禮貌，收碟好快，仲教我哋點煮牛肉最好。一人一鍋，有六款湯底選擇，咁靚嘅牛肉當然要配壽喜燒湯啦。食物區分區清楚，有蔬菜🥬，肉丸，飲品，甜品🍮，醬料，熟食，每個區域都執到好乾淨企理！果然無揀錯，牛肉雪花紋理顏色好靚，油脂分布均勻，薄薄一片，每一片都好大塊，唔洗煮太耐就可以食得，入口即溶，牛味好濃，非常高質，食咗超多碟！澳洲產長期穀飼牛，雖然油花有和牛咁靚，但牛肉味十足。除咗和牛之外，呢個餐仲跟咗新鮮海鮮拼盤，入面有蟹柳，東風螺，原隻魷魚🦑，墨魚，蝦滑，扇貝，青口，蝦仁🍤，東風螺好正！蝦仁口感彈牙，蝦滑上面好多蟹籽。熱辣辣的關東煮🍢有腐皮福袋，蘿蔔，鵪鶉蛋，海帶結，星星魚蛋，每款煮得好入味，福袋裏便係年糕，煮到好軟淋。飲品是罐裝，有汽水，果汁，熱茶，仲有好少見得無糖嘅冷泡茶，玫瑰茉莉茶，桂花烏龍茶，凍頂烏龍茶。好清新解膩。甜品Häagen-Dazs大雪糕有四款味道士多啤梨🍓，朱古力🍫，焦糖，曲奇🍪。因為食得太多牛肉好飽，所以每樣試少少，最鍾意係士多啤梨味和焦糖味。