影片
更多
2024-10-15
1104 瀏覽
一個鍋嘅大小，唔單止可以用尺寸衡量…50cm韓式海鮮鍋 $380老實講，今次係為咗呢個號稱50cm長嘅韓式海鮮鍋而嚟。結果最震撼我哋嘅，除咗係海鮮嘅種類同鍋嘅長度，就係佢用咗兩個Gas爐去加熱，先啱啱夠擺得落😱。講返嘢食，個鍋入邊有肉蟹、原隻魷魚、鮑魚、青口、蜆肉、大蝦，仲有蝦仁、切碎咗嘅魷魚、冬菇、芽菜韭菜等等，多到我都數唔晒。佢係用辣湯嘅方法煲住啲海鮮，所以佢嘅重心並唔係完全食海鮮嘅鮮味，而係食佢吸咗辣湯後嘅效果。當中以蟹肉最反映到辣湯嘅味道。如果唔想咁辣，落單嗰陣可以叫小辣。個湯亦都係鍋嘅重心，酸甜咸兼備，亦夠辣，同行人士自己潷咗兩碗嚟飲😂。醬油蝦(連飯) $260一共七隻嘅醬油蝦，連飯，二百零蚊我覺得幾合理。蝦係幾大隻，亦都吸收足夠嘅醬油。不過食呢啲醬油海鮮，最重要係連飯食，咁先食到佢呢個組合最好嘅效果。飯本身有芝麻同紫菜碎，其實已經夠味。濟州柑Ade $58呢種氣泡水果汁用柑嚟做嘅效果相當唔錯，除咗夠甜夠凍，可以解一解海鮮嘅辣味，最緊要係打到卡👍😅！青檸梳打 $36如果唔想咁甜，就可以叫青檸梳打，解辣同解渴效果同樣明顯。另外要欣賞呢度嘅氣氛，暗暗地但有足夠嘅射燈，甚至可以坐室
50cm韓式海鮮鍋 $380
老實講，今次係為咗呢個號稱50cm長嘅韓式海鮮鍋而嚟。結果最震撼我哋嘅，除咗係海鮮嘅種類同鍋嘅長度，就係佢用咗兩個Gas爐去加熱，先啱啱夠擺得落😱。
講返嘢食，個鍋入邊有肉蟹、原隻魷魚、鮑魚、青口、蜆肉、大蝦，仲有蝦仁、切碎咗嘅魷魚、冬菇、芽菜韭菜等等，多到我都數唔晒。佢係用辣湯嘅方法煲住啲海鮮，所以佢嘅重心並唔係完全食海鮮嘅鮮味，而係食佢吸咗辣湯後嘅效果。當中以蟹肉最反映到辣湯嘅味道。如果唔想咁辣，落單嗰陣可以叫小辣。個湯亦都係鍋嘅重心，酸甜咸兼備，亦夠辣，同行人士自己潷咗兩碗嚟飲😂。
醬油蝦(連飯) $260
一共七隻嘅醬油蝦，連飯，二百零蚊我覺得幾合理。蝦係幾大隻，亦都吸收足夠嘅醬油。不過食呢啲醬油海鮮，最重要係連飯食，咁先食到佢呢個組合最好嘅效果。飯本身有芝麻同紫菜碎，其實已經夠味。
濟州柑Ade $58
呢種氣泡水果汁用柑嚟做嘅效果相當唔錯，除咗夠甜夠凍，可以解一解海鮮嘅辣味，最緊要係打到卡👍😅！
青檸梳打 $36
如果唔想咁甜，就可以叫青檸梳打，解辣同解渴效果同樣明顯。
另外要欣賞呢度嘅氣氛，暗暗地但有足夠嘅射燈，甚至可以坐室外有帆布嘅地方，喺度食真係有啲韓國嘅影子。難怪喺門口佢都寫住”Best Korean Restaurant in Hong Kong”。
張貼
