老點點心竹筒飯 (已結業)

今日經過旺角染布房街，見到這間老點點心。 門口宣傳海報勁吸引， 點心賣相精緻， 加上主打榴槤甜品可以半價12元享用，不禁入內嘗試。我和同事坐低冇幾耐， 拿著點心紙不停點點點，叫了多款精美而又美味的點心 。之後一邊 品茶 ，一邊期待點心的到來。 轉眼間一碟又一碟的點心很快已在檯面上，勁豐富又吸引。新鮮肉排竹筒飯，是這裏主打美食，肉排多到滿瀉，而飯是有益的红米食，加上用竹筒蒸的， 香而煙韌。花旗參燉竹絲雞，绝對清甜，難得瘦肉不韌而竹絲雞雞肉好滑口，只賣$48元認真低食。其它點心如咸香黑魚子燒賣、冬筍普通鮮蝦餃、鲜上肉響玲腸三款味道鮮美、肉香濃而有咬口，蝦非常鮮甜而彈牙。甜品一定要讚此兩款， 可愛四色小甜點和黃金(迷惘) 榴槤卷，绝對要食，唔食就走寶。可愛四色小甜點是迷你盅的，四種不同口味分別是呂宋香芒小布甸、荷蘭咕小慕絲、 一口忌廉焦糖蛋和回味石榴小布甸，四款都非常好味，不錯的特式甜品。好食到Encore至於榴槤卷更是我至愛，香滑的外皮配上勁濃的榴槤肉味，食完回味至今。勁正！