犇道 (已搬遷) 新店位置

在屯門搵嘢食唔難，但搵好嘢食真系好難。丈夫是有食力嘅人，品味系要好味夾抵食。兩口子返親屯門食飯，佢餐餐話要打邊爐食肥牛，我就真系打到悶。屯市選擇來來去去都系嗰啲：拉麵、米線、牛扒、打邊爐，而且又貴又唔好食。10月時龍門居開左間叫犇(音：奔)道的西日食店，由於是教友開的，一開張已急不及待幫趁及支持。第一口慢煮牛已好嫩好淋好入味，我點的厚切鰻魚堅厚，蛋好滑好甜，真系好味到仲好過去日本食。食得出老闆好有heart去煮，成個餐色香味俱備。一問之下，原來老闆在酒店做過廚又做過設計，唔怪之得啦﹗之後，我地兩口子經常去幫趁，唔洗餐餐「拾下拾下」，家陣已成為老公最愛的食店。連1月1日我外甥生日都去犇道食午餐。雖然佢地方細細，略為迫硤，但無阻為食嘅我們。通常我地會趁剛開門時間/晚上較後時間去，咁會容易啲食倒(當然可打電話預約，但一落街就食倒嘛~)。多人一齊食時仲會叫埋小食：吉烈大蝦外面脆，裡面熱辣辣；牛肉薯餅，入口即容，超~好食﹗明太子燒雞翼，辣辣地好嘢味﹗10月到而家我地都幫趁左六至八次，我老公幾乎當左系佢嘅飯堂，唔叫埋我都會自己走去食。