肯德基家鄉雞 (KFC)

營業中

休息中

天陰陰, 唔想出街, 冇o野食, 點算好?!! 好耐冇食過KFC外賣, 就試吓啦...6點3左右打電話去, 居然要話1.5小時先送到, 有冇咁多單呀?!! 好彩最後都係45分鐘就到咗, 唔使等到頸都長... 唔想食套餐嘅蘑菇飯, 所以決定散叫...蜜蜜燒雞翼 (1件 HK$13.0)-- 蜜味不再, 但燒功仍在, 仍是1隻合格的燒雞翼...狂惹香燒雞 (1件 HK$13.0)-- 第一次食, 初時驚會好辣, 結果一點都唔辣, 仲好香, 雞皮好薄好香, 罕有地全塊食晒, 雞肉都好入味...鮮茄菠蘿封味錫紙烤雞 (2件 HK$27.0)-- 菠蘿冇菠蘿味, 鮮茄汁味道超怪, 完全冇蕃茄味, 仲苦苦地, 嘩!!! 好難食!!! 點解可以咁難食?!! 馬鈴薯蓉 (1個 HK$8.5)-- 醬汁味道難食, 薯蓉唔滑, 冇薯香...哈哈薯 (1客 HK$16.0)-- 出奇地OK喎, 未腍晒, 少少脆, 幾香口, 薯仔仲好粉...香熱粟米 (1支 HK$9.0)-- 牛油開蓋前熱溶了, 直接淋係粟米上, 唔知點解完全冇牛油香味, 同食清水烚粟米冇分別, 仲要唔係超甜粟...瑪嘉烈葡撻 (1件 HK