紅茶館 (已結業)

黎到食西餐！平日夜晚黎到，人流唔算多🤘🏻有得坐房👍🏻環境幾舒服，靜靜地，幾啱傾計架 一一一一一一一一一一一一一一 1️⃣美國自然豬 $128 評分: 7.5/10 20mm厚既豬扒，外層燒得幾香🐷厚得黎唔會韌，而且仲幾多肉汁😍近骨既位肉質更軟淋，脂香味更出 2️⃣炭燒紐西蘭肉眼扒 $168 評分: 7/10 炭燒牛扒，嗌左5成熟，肉香味重，肉質軟淋有口感，但脂香味相對唔重 3️⃣夏日特飲: 芒果沙冰 $28 評分: 7/10 4杯新推出既夏日特飲！買一杯，第二杯半價😈芒果沙冰好重芒果味，用左菲律賓芒果，飲落就好似芒果乾陣味，幾正