梨滿園韓國料理 (已結業)

炸雞癮起，唔食K咩C，去左食韓式炸雞，128蚊90分鐘任食，去到見有另一個餐，138蚊120分鐘任食芝士雞、飯卷、煎蛋卷，店員話158蚊就可以食晒兩個餐，朋友好鍾意芝士，即刻扑鎚。🍴炸雞先黎第一輪炸雞，有齊五款口味，包括薑蔥、甜辣、芝士、蜜糖、秘製醬油。炸雞脆皮有d似K咩C辣雞，夠脆，唔太厚，咬開唔會漏晒d油出黎，雞肉幾滑。薑蔥味同芝士味分別係原味搭多幾條蔥同埋芝士粉。甜辣味同蜜糖味都偏甜，甜辣味唔算辣，如果有辛辣版我會食多幾件。秘製醬油味幾香，而且炸粉會較少，應該係避免整到脆皮腍晒，配搭有心思。🍴韓式拉絲芝士雞底有熱辣辣芝士，面又有芝士粉，幾香，唔會濃到太膩，雞用左雞扒，唔韌。🍴拉絲芝士紫菜卷蛋茄汁加芥末再加芝士，每一啖都好濃味。🍴韓國壽司飯卷唔會太乾，飯幾煙韌。食完第一輪炸雞，再食埋其他，已經好鬼飽，無再叫炸雞，如果鍾意炸雞，128蚊任食絕對抵食。📍梨滿園韓國料理旺角通菜街1A-1L號威達商業大廈Deli2 1樓