影片
更多
2020-10-31
188 瀏覽
💮最近熊妹發現長沙灣開咗間超抵食鋸扒餐廳《肉肉強食by鋒膳》，有好嘢梗係益阿豬媽同卡肥大大啦。📌位於東京街的《肉肉強食by鋒膳》係一間鋸扒為主的西餐廳，豬牛羊雞乜都有，價錢有$58至$138一客，另外加$18可以跟上套餐，凍飲再加$5，包餐湯、餐包、飯，意粉或者薯菜、餐飲同甜品，其他仲有焗飯、咖喱飯、常餐同小食沙律，全日免加一，價錢絕對平民化，真係好化算。📌最近仲推出左大優惠，美式什扒同芝士牛肉漢堡包都係半價優惠，優惠期去到10月31日，所以熊妹就拉大隊過嚟食整盡優惠去。📌晚上7:30嚟到，簡直人頭湧湧全場都幾乎爆滿，可能大家都係衝着這個優惠而來。牛油餐包餐包就係一般嘅餐包，烘熱過再塗上牛油，味道正常。羅宋湯餐湯有典型白湯，紅湯揀，紅湯酸酸辣辣開胃啲，所以個個都揀咗紅湯，雜菜材料都好足，不過份量唔係好大一碗。美式什扒，$39雜食獸卡肥咩都想食，揀美式什扒就最好不過。美式什扒有豬扒、牛扒、一隻雞翼、半條司華力腸、一片煙肉、一片火腿同一堆雜豆伴菜。什扒質素就真係唔好要求咁多啦，豬扒都有啲肥膏肥肉，牛扒比較薄但肉質都嫩滑，無血水，其餘嘅雪藏貨就味道正常啦，卡肥選擇蒜蓉汁，成堆蒜蓉同肉食好
💮最近熊妹發現長沙灣開咗間超抵食鋸扒餐廳《肉肉強食by鋒膳》，有好嘢梗係益阿豬媽同卡肥大大啦。
📌位於東京街的《肉肉強食by鋒膳》係一間鋸扒為主的西餐廳，豬牛羊雞乜都有，價錢有$58至$138一客，另外加$18可以跟上套餐，凍飲再加$5，包餐湯、餐包、飯，意粉或者薯菜、餐飲同甜品，其他仲有焗飯、咖喱飯、常餐同小食沙律，全日免加一，價錢絕對平民化，真係好化算。📌最近仲推出左大優惠，美式什扒同芝士牛肉漢堡包都係半價優惠，優惠期去到10月31日，所以熊妹就拉大隊過嚟食整盡優惠去。
📌晚上7:30嚟到，簡直人頭湧湧全場都幾乎爆滿，可能大家都係衝着這個優惠而來。
餐包
6 瀏覽
0 讚好
0 留言
餐包就係一般嘅餐包，烘熱過再塗上牛油，味道正常。
羅宋湯
9 瀏覽
0 讚好
0 留言
餐湯有典型白湯，紅湯揀，紅湯酸酸辣辣開胃啲，所以個個都揀咗紅湯，雜菜材料都好足，不過份量唔係好大一碗。
美式什扒
$39
12 瀏覽
0 讚好
0 留言
雜食獸卡肥咩都想食，揀美式什扒就最好不過。
美式什扒有豬扒、牛扒、一隻雞翼、半條司華力腸、一片煙肉、一片火腿同一堆雜豆伴菜。
什扒質素就真係唔好要求咁多啦，豬扒都有啲肥膏肥肉，牛扒比較薄但肉質都嫩滑，無血水，其餘嘅雪藏貨就味道正常啦，卡肥選擇蒜蓉汁，成堆蒜蓉同肉食好夾。
紐西籣羊扒
$138
9 瀏覽
0 讚好
0 留言
📌阿豬媽成日扮高檔，一食就食最貴的羊扒。
羊扒有三大塊，味道都幾蘇，幾有羊味，撈上黑椒汁辣辣地，味道都幾夾。
不過肥膏位就多咗啲，食咗阿豬媽不停嚷「好肥啊！」
吉列豬柳
$20
6 瀏覽
0 讚好
0 留言
📌熊妹見豬牛羊雞都叫試過下，吉列豬柳又$20咁抵，冇理由唔試吓㗎。
吉列豬柳有兩塊，炸得好脆，豬柳肉好瘦，無咩肥肉位，岩哂怕肥的熊妹。
淋上蒜蓉汁調味之餘又令到成件事無咁乾，真係好味又抵食。
芝士牛肉漢堡
$24
6 瀏覽
0 讚好
0 留言
呢個漢堡包都係限時半價優惠，雖然好飽，但點都叫返個試吓啦。
嘩！好大一個，半價都絕不氣場喎！
牛肉漢堡扒有幾厚一塊，煎得都幾好淋身，未算好Juicy但係又唔會好乾，仲有一片蕃茄，一片生菜，一片芝士，典型漢堡包食法，$24咁大一個真係絕對絕對抵食。
凍檸茶
$5
3 瀏覽
0 讚好
0 留言
📌三個都係凍檸茶粉絲，三杯少甜少冰，篤篤篤篤，酸酸甜甜解渴又開胃，
甜品
10 瀏覽
0 讚好
0 留言
有什果啫喱同雪糕揀，啫喱淋上花奶，雪糕係菠蘿椰子味，清清甜甜，作為呢餐完美的總結。
張貼
