Downtown Hot Dog (已結業)

近排睇雜誌講啲熱狗，款式多到眼花遼亂，五花八門，創意無限，勾起小時對食熱狗嘅情懷，嗰陣時一條熱狗包，一條烚雞肉腸，唧啲茄醬都已經喺「豆丁」時代嘅美味食物 。早前，慣常路經嘅如心廣場，就晌Downtown Hot Dog 試咗一款惹味熱狗，有種久別重逢嘅感覺。餐廳格局好簡單，廚房佔咗餐廳大部份地方，鋪面幾張小圓枱，一眼睇晒喺咁大。餐牌上有數款熱狗，而另外一塊大黑板又有幾款特色推介，至於熱狗嘅定價為$32-$42。此外，仲有啲小食同飲品，不過選擇唔多，但加$18變套餐嘅優惠就最划算，可揀薯條或沙律，再加一杯湯品或飲品 。 德式薯仔沙律（+ $18套餐） 薯仔粉得嚟唔會太爛，味道帶有少少酸味，雜香草稍為喺裝飾多，再加多啲都無妨，不過，味道雖然唔錯，但似乎平淡咗。 南瓜湯（+ $18套餐） 味道幾香甜，南瓜打得好蓉，有少少蒜味，質感比一般忌廉湯薄身少少，感覺喺下忌廉唔多，所以，入口反而變得輕盈啲。 娘惹沙嗲熱狗 $38 熱狗腸用上芝士腸，腸衣有點脆，咬落內裡有唔少芝士漿 ，包身烘底過，亦鬆軟，以為只得面層加咗自家製沙嗲醬，原來熱狗包內仲塗上一抹沙律醬底；至於個娘惹沙嗲醬