De België (已搬遷) 新店位置

踏進狗年希望大家旺旺，初五開工我同拍檔一齊開年認為第一餐應該要食得好，相士話我們今年驛馬星動，於是決定應下，未有出發大計先去食頓歐洲餐，早前朋友生日來過印象不錯，於是來這裡。七點鐘仍然是歡樂時光，Cheers，大家啤一啤，呢間店出名啤酒款式多，特別版仲有得預訂，我鍾意新鮮啤酒所以就要生啤，$78 買一送一，這涼快感方才是男人的浪漫。先來小食，選了一款有廚師帽的招牌魷魚，Pulpo A La Gallega，用忌廉汁及香草調味，魷魚下面有片薯餅，配埋食好夾，口感汁多鮮美，正！然後必食青口，試兩款口味比拼，白酒不及啤酒煮的好，白酒煮比較清香，啤酒煮味道比較豐富，厚薯條做得好有口感，忌廉醬都唔錯。仲點了燒雞 Fresh Herb Roast Chicken，雞皮香脆雞肉嫩做得出色，味道都足，配備的忌廉醬油不膩合適。如果有女伴喜歡果甜味啤酒作，我介紹呢款 Palijas Rose，香氣十足，作為甜品都得。最後一個心太軟作總結。