翠華餐廳 (海趣坊) (已結業)

搭船去屯門碼頭, 落船就上去海趣坊睇下有咩食, 稻香酒樓就不了, 太多人等位. 見翠華餐廳冇乜人, 唔洗等位, 就入去食.今次個set dinner係西班牙雞扒, 印像中上次先食完雞扒飯, 於是就諗住試下其他嘢, 魚蛋粉有冇乜興趣. 想食啲飯飽肚啲, 於是就散叫咗一個揚州炒飯, 因為散叫嘅關係, 所以係冇嘢飲嘅, 唯有叫侍應畀杯水個飯就好快上到嚟, 第一眼睇落, 就過得死啦好多水, 做乜變咗做濕炒 . 食落原來先至有驚喜, 睇落似好多水份, 意外其實唔係, 我估應該係啲油多咗啲, 但起碼係乾身先㗎,咁就冇事啦 個飯啲配料都算幾足, 出面啲炒飯以為啲蝦粒仔好矜貴, 多數只係得兩三隻, 但今次我呢個炒飯有成十隻蝦粒, 都算幾多下 而且叉燒係新鮮嘅, 唔係出面嗰啲發臭甚至有宿味嘅, 所以呢一個係一個狡猾的揚州炒飯