影片
更多
2019-03-18
170 瀏覽
海底撈猛龍過江嚟到香港，唔係唔食啊？位置係銅鑼灣利舞台，超級方便易搵，唯一係晚市時段要排隊等搭lift上去比較耐啲。電子落單，方便快捷！醬料吧整齊乾淨！為咗可以滿足唔同人嘅口味，我哋叫咗四個味嘅湯底，分別係大骨湯、胡椒豬肚湯、番茄湯，同埋我最期待嘅麻辣湯底！🌶麻辣湯底都保持內地嘅水準，蕃茄湯酸酸甜甜都係一個唔錯嘅選擇！🍅好多人以為毛肚要煮好耐，其實10秒已經夠，好爽口，淥太耐就會韌架啦。要讚嘅係食材非常新鮮，啲蝦仲識郁。肉方面牛小扒CP值高，日本和牛就高質鬆軟，根據自己嘅口味選擇啦！🥳打邊爐一定會叫黃喉，超級爽口，淥兩三分鐘就得㗎啦！肉丸好味！我哋仲叫咗幾個小食，酥肉、炸饅頭、紅糖糍粑，之前喺內地都食過，香港店都keep到水準，依然好味👍🏾總括來講，香港店品質管理做得好好，員工服務同內地一樣咁周到，除咗價錢唔同之外，其他都好似內地店，以後係香港都可以嘆到高質嘅海底撈啦！👏🏻👏🏻
位置係銅鑼灣利舞台，超級方便易搵，唯一係晚市時段要排隊等搭lift上去比較耐啲。
電子落單，方便快捷！

醬料吧整齊乾淨！

為咗可以滿足唔同人嘅口味，我哋叫咗四個味嘅湯底，
分別係大骨湯、胡椒豬肚湯、番茄湯，同埋我最期待嘅麻辣湯底！🌶
麻辣湯底都保持內地嘅水準，蕃茄湯酸酸甜甜都係一個唔錯嘅選擇！🍅

好多人以為毛肚要煮好耐，其實10秒已經夠，好爽口，淥太耐就會韌架啦。
要讚嘅係食材非常新鮮，啲蝦仲識郁。肉方面牛小扒CP值高，
日本和牛就高質鬆軟，根據自己嘅口味選擇啦！🥳

打邊爐一定會叫黃喉，超級爽口，淥兩三分鐘就得㗎啦！

肉丸好味！

我哋仲叫咗幾個小食，酥肉、炸饅頭、紅糖糍粑，之前喺內地都食過，香港店都keep到水準，依然好味👍🏾
總括來講，香港店品質管理做得好好，員工服務同內地一樣咁周到，除咗價錢唔同之外，其他都好似內地店，以後係香港都可以嘆到高質嘅海底撈啦！👏🏻👏🏻
張貼
