CHIMPZ (已結業)

如果藥箱可以變成首飾箱咁呢個箱一定係for為食鬼【👅#銅鑼灣美食｜渣甸坊極隱世西餐廳小店】行銅鑼灣真心極少涉足渣甸坊後街，但原來喺一個個搭建而成嘅帳篷小舖後，埋沒咗間極唔顯眼，但食品質素幾高嘅小店。叫佢做小店，因為成個用餐環境都好貼地親民，冇時下cafe好有格調嘅裝潢，菜式選擇亦不過係大路嘅選擇，但同朋友order 嘅兩款主菜，分別係「香煎三文魚扒配三文魚籽甜蕃薯蓉沙律」 同埋「厚切黑毛豬鞍架配香蘇煎菠蘿及抱子甘藍」，由主菜到配料都絕無欺場，味道亦有驚喜。 所以之後再追加埋餐牌上一款好吸睛嘅招牌菜－「#猩猩迷宮」，（貫徹返餐廳以猩猩為主題），用九宮格擺盤呈現一個full set嘅 all-daybreakfast，啱晒打卡，不過味道反而就冇太大驚喜，大家自行決定想打卡定looking for 味道上嘅小驚艷嘞！