軟橋米苔目餐廳 (已搬遷) 新店位置

今日同同事去鴨寮街買公司野之後我哋就喺附近搵嘢食啦近近地比我地搵到呢間食米苔目既餐廳都幾多人食一於試下啦！好耐都冇見過人手寫嘅餐牌突然之間覺得好有人情味我哋叫咗幾個必食分別係碗仔翅同埋豬大腸豬大腸嘅汁好重味簡直黎一碗白飯都可以食完一餐而且啲豬大腸好淋！超正！碗仔翅方面都十分之足料！仲有蟹肉添十分高級食到停唔到口！唔講唔知原來米苔目係人手做㗎所以賣晒就冇而且好考功 好珍貴添！配菜方面今次揀咗生菜同埋墨魚丸啲送都幾多墨魚丸食落都彈呀！是日重點黎喇原來米苔目好似銀針粉架好有口感！又可以唔洗用筷子食！岩哂我呢啲懶人！呢到價錢唔貴但食物都好水準！下次黎附近買野可以再試埋其他美食！