Meowtini Cat cafe & Bar

營業中

休息中

今日去咗一間好有特色工作嘅貓Cafe酒吧餐廳！除咗可以同貓貓玩之外，環境都非常之正！除咗可以打卡影相之外，仲可以買罐罐餵佢哋！依家唔係一間普通嘅貓Cafe 、佢係可以有酒精類嘅飲品提供，再加上一連串非常高質素嘅嘢食同埋甜品！餐廳亦都提供咗適量嘅空間比大家輕鬆休息！我特別鍾意佢L型嘅窗影相都非常之靚！同埋一入門嘅和風設計，再加上圓形玻璃真係藝術感設計感十足！再加上貓Cafe嘅貓全部都非常之主動，同埋活潑！就算唔餵罐罐佢哋都會自己走埋嚟同你玩打招呼！貓貓亦都非常之有禮貌食嘢嘅時候佢哋唔會騷擾到食嘢嘅大家！非常之乖！今次選擇兩個主菜一個甜品、一個飲品：主菜加拿大海膽醬雜菌意大利飯半三文魚籽：海膽醬味道非常鮮香！配上雜菌加三文魚子味道幼嫩香！再加上我最鍾意食嘅意大利飯！真係食物靈魂伴侶！第二個主菜煙三文魚香草麵包：香草麵包真係第一次食！感覺非常難忘，除咗好好食之外仲好香好軟熟！咬落去有少少脆脆地口感好鍾意！再加上煙三文魚同埋香草蔬菜食落去更加有層次！飲品方面，選擇咗摩卡咖啡，除咗味道香滑之外，仲配上貓爪印嘅拉花！非常之可愛優雅！最後甜品；香蕉雜果朱古力窩夫半雪糕、香蕉配朱古力本身已經係好好食，