Dee Dee Bakery

營業中

休息中

今日去咗鵝頸橋底一間貓咪主題麵包店。好多產品都有貓貓嘅蹤影。首先片裝麪包已經有貓嘅形狀，有三色貓、咖啡貓、紫薯貓。三色貓係抹茶、朱古力、原味方包。紫薯貓有紫薯蓉，咖啡貓入面咖啡醬超多超濃。另外佢哋啲包裝同裝修都有好多貓貓，連飲品啲樽都係貓。另外佢哋個產品好好食，係日式紫薯布蕾法式。法包中間有紫薯同埋法式焦糖燉蛋，俾你拎走之前仲會喺個面度燒一燒造成焦糖面。建議即刻食，一係拎返屋企再用焗爐焗返熱佢食一樣咁好味。