鳳城酒家 (已結業)

雞年第一個食評，先祝大家心想事成、身體健康！今年公司年三十已經收爐，早一日放新假，朝早去飲茶最好不過，一定唔駛等位。因為新年要派錢有d肉痛，想搵間大眾化的酒樓好d，心理上會好過少少。同太座二人就到這間鳳城嘆早茶。叫了五、六碟點心，各款式味道唔錯，亦不失鳳城的招牌。其中較特別的是魚翅灌湯餃。這裡的是皮包湯，一籠兩隻，頗有懷舊feel；餃的湯汁不算等別多，反而餡裡的素翅都有唔少，加埋豬肉碎等餡料亦算交足功課，是這裡點心必食之選。還有幾欣賞個洗手間比我預期中乾淨，因為總覺得這類傳統的茶樓，洗手間不潔是意料中事。看看餐牌，發覺這間在百德新街跟禮頓道的一間原來是同一集團，還有其餘的是上環、油麻地、黃埔。另一鳳城集團的則是北角及旺角。