影片
更多
2009-12-24
33 瀏覽
聖誕節前夕, 忙到跌哂渣, 難得有一日清閒少少, 就同同事去食個所謂既 X'mas lunch, 大家輕鬆下, 找到一家隱世既扒房, 鋸扒.怎樣發現呢間扒房? 是前星期, 我由海港政府大櫻辦完事, 看見對面有間舊式商業大廈, 2樓有塊大玻璃. 內裡有檯檯凳凳, 食肆格局. 再上星期, 又去開果頭做野時, 特地行去那座商廈看看, 問了一問看更, 原來這兒有個猶太Club, 裡面有間扒房. 後來在openrice search下, 咦.............原來有 record, 早上做到11點, 見清閒少少, 而且又是冬至正日, 就打電話, 訂下一點鐘既 lunch. 神秘的國度, 入到黎商業大廈, 樓上樓下, 門口電梯, 除了個水牌同上到 2樓有個希伯來文既招牌之外, 基本上同"彩虹服務社"一樣, 隱蔽. 入到去, 一把長鬍子的大叔來招呼, 再由一名廣東人侍應帶我們到窗口, 安排我們坐下我們留了的位子. 兩杯水, 兩個Menu, 慢慢俾我們翻一翻. 看一看, 這就是一個小 club house既佈置, 成個場, 收哂 d 檯凳, 就可以變成一個祈禱的地方. 而來的人, 除了我們一檯純
怎樣發現呢間扒房? 是前星期, 我由海港政府大櫻辦完事, 看見對面有間舊式商業大廈, 2樓有塊大玻璃. 內裡有檯檯凳凳, 食肆格局. 再上星期, 又去開果頭做野時, 特地行去那座商廈看看, 問了一問看更, 原來這兒有個猶太Club, 裡面有間扒房. 後來在openrice search下, 咦.............原來有 record, 早上做到11點, 見清閒少少, 而且又是冬至正日, 就打電話, 訂下一點鐘既 lunch.
神秘的國度, 入到黎商業大廈, 樓上樓下, 門口電梯, 除了個水牌同上到 2樓有個希伯來文既招牌之外, 基本上同"彩虹服務社"一樣, 隱蔽.
入到去, 一把長鬍子的大叔來招呼, 再由一名廣東人侍應帶我們到窗口, 安排我們坐下我們留了的位子. 兩杯水, 兩個Menu, 慢慢俾我們翻一翻. 看一看, 這就是一個小 club house既佈置, 成個場, 收哂 d 檯凳, 就可以變成一個祈禱的地方. 而來的人, 除了我們一檯純是異教人士之外, 全是有猶太背景的食客. 而且純種猶太人好易認, 髮色, 輪廓與普通西人係有少少分別既.
猶太菜, 以色列菜, 真的不懂怎叫, 亦唔知啱唔啱食. 以道前菜為例, Pickle 青瓜同 原隻 Olive, 真的只有南歐人才食得落肚......不能說佢不好味, 只是過不到自己既味蕾關.
為了保險, 同簡單快捷, 都係每人叫一個set lunch, (每位 $100, 而且冇加一). Menu雖是英語, 但有些, 也是希伯來文的翻譯拼音, 不得不問下哥兒, 這是什麼....若不問, 真係想叫雞扒時, 會變左做炸雞. 而我就比較保險, 叫了份漢堡扒薯條.
個set, 有湯, 是日例湯本是洋蔥湯, 但由於例湯賣哂, 我們一個改了南瓜湯同雜菜湯. 兩個湯, 因為是冇例湯而後補逐個煮的, 所以又熱又夠濃. 而雜菜湯一樣是濃, 而且粒粒雜菜, 說真一點就是"多渣".
燒雞扒, (是日的Set lunch A), 同事要了沙律伴. 雞扒, 是一條條的雞柳扒, 稍微用鹽醃過, 咸咸地, 肉唔肥之餘又夠滑. 沙律, 不是一般的歐式沙律. 用了碎瓜粒同碎蕃茄粒, 味道是咸咸地的, 而且撈了Olive oil, 清淡得黎又好味.
而我就不健康地, 叫了一塊漢堡牛扒. 留意一下坑紋, 有一間間橫間. 是正式明火燒的扒. 漢堡扒, 貪佢腍腍地, 容易食. 而造塊漢堡扒, 的的確確是腍, 而且外皮帶點脆. 上碟時, 看落是乾乾的一塊扒, 其實外面燒到脆的表面, 鎖住了肉汁. 非常之好食. 而伴的薯條, 他們叫chips, 是薯片才對. 一塊塊薄片薯片, 是原隻 Baby potato 切出來的, 脆脆地, 又香甜. 加一點茄汁, 點一點已經足夠.
餐後是 coffee, 但侍應說, 他們暫時沒有牛奶供應........., 我們只好飲齋啡了. 自己飲慣齋啡, 當然冇問題啦. 咖啡夠濃, 金金地口, 就是一杯好既咖啡, 宜齋飲.
飲咖啡時, 一名比較高級, 像是經理的猶太姐姐, 問問我們對今餐有什麼感覺, 同點找到這裡. 服務方面, 少少人, 而且我地又易認, 都幾周到. 若時間多一點, 望著干諾道, 望住四季酒店, 放輕鬆品美食, 嘆咖啡, 而且private至極, 若是多年前, 沒有海旁的幾座大樓, 有個低層既靚海景伴一伴, 感覺更正.
張貼
