巴剎雞飯 (已結業)

星馬菜喺香港無泰菜、印尼菜咁普及，難得有位新同事係馬來西亞人，梗係要問下佢香港有咩好嘅星馬菜餐廳推介啦！今日就黎試下其中一間佢大力推薦嘅「巴剎雞飯」啦！餐廳位於西營盤地鐵站附近，地點方便。餐廳裝修好有星馬地區嘅特色，好chill！店員都好有笑容，服務殷勤。餐牌上食物選擇頗多，價錢親民，而且亦有圖片參考，幾好👍🏻我當日咁啱幾餓，就叫多左幾款食物黎試下。小食方面，我選左店員推薦嘅「酥炸皮蛋餃」同埋「炭燒沙爹豬」。前者據說係手工包嘅，裏面嘅肉同皮蛋餡好飽滿，外層炸得金黃色，而且口感好鬆脆，一流！至於炭燒沙爹豬肉串，則係另一個驚喜所在：啲串燒係同一個小爐興住，所以keep住夠曬熱。而個獨門沙爹醬更加係好香好濃，令人一試上癮！主食梗係要食招牌菜「巴剎雞飯」啦。價錢$58，非常親民，但一啲都無欺場，因為份量好多！而且啲雞肉好滑，配埋啲油飯同醬汁一齊食非常正！食咁多肉梗係都要食啲菜啦，呢度嘅油菜價錢合理（$20），雖然份量唔係好多，但啲菜係好嫩嘅。飲品方面，同事大讚呢度嘅馬來西亞嘅特色「丹南咖啡」夠曬正宗，咁梗係要order黎試下啦！咖啡好香，而且唔會太甜，好飲！總結：新同事果然好介紹，呢度食物、服