影片
更多
2022-11-16
265 瀏覽
近日天氣開始轉涼，於是就約咗朋友今晚嚟試吓呢間bookmark咗一排嘅火鍋店打邊爐。一入到去，就俾佢嘅古典風裝修吸引住，十分之有古典氣息。由於朋友唔太好食辣，於是我哋就叫咗個鴛鴦湯底：祖傳秘製麻辣鍋拼蜂巢豆腐白湯鍋🍲首先試咗個蜂巢豆腐白湯鍋，湯底本身包咗蜂巢豆腐同埋鴨血，一定要試佢個蜂巢豆腐，吸晒啲湯好好味～加上白湯鍋湯底飲落都好滋潤，可以喺嘢食嚟之前食住豆腐同鴨血加飲住湯先～而麻辣湯底都十分夠味，我覺得淥完嘢唔使點醬食都得～呢度嘅醬料比起一般火鍋店有更多選擇，鍾意點「混醬」都得～呢個即炸響鈴超級脆口！仲配埋甜酸醬可以唔浸湯就咁食，我就鍾意一半點醬就咁食一半浸湯，雙重享受！珊瑚蚌超級新鮮爽口，煮10秒就食得～下次絕對會encore！一上到嚟個賣相已經十分吸引😍牛肉嘅雪花分明，油脂分布平均～個人鍾意放到麻辣湯淥一淥，入口嫩滑得嚟又吸晒麻辣湯嘅香味，又係encore之選！黑豚肉同樣都係油花十分之靚，入口嘅肉味都十足～個人覺得全餐飯最驚艷到我嘅就係呢個餐廳送嘅腐竹雞蛋沙冰！唔單止佢呢個容器嘅設計十分特別，入面嘅腐竹雞蛋沙冰亦都十分之順口同有特色，好似濃縮咗嘅腐竹雞蛋糖水咁，好
近日天氣開始轉涼，於是就約咗朋友今晚嚟試吓呢間bookmark咗一排嘅火鍋店打邊爐。
一入到去，就俾佢嘅古典風裝修吸引住，十分之有古典氣息。

由於朋友唔太好食辣，於是我哋就叫咗個鴛鴦湯底：祖傳秘製麻辣鍋拼蜂巢豆腐白湯鍋🍲
首先試咗個蜂巢豆腐白湯鍋，湯底本身包咗蜂巢豆腐同埋鴨血，一定要試佢個蜂巢豆腐，吸晒啲湯好好味～加上白湯鍋湯底飲落都好滋潤，可以喺嘢食嚟之前食住豆腐同鴨血加飲住湯先～而麻辣湯底都十分夠味，我覺得淥完嘢唔使點醬食都得～
呢度嘅醬料比起一般火鍋店有更多選擇，鍾意點「混醬」都得～

[即炸3秒響鈴]
呢個即炸響鈴超級脆口！仲配埋甜酸醬可以唔浸湯就咁食，我就鍾意一半點醬就咁食一半浸湯，雙重享受！


[超爽珊瑚蚌]
珊瑚蚌超級新鮮爽口，煮10秒就食得～下次絕對會encore！

[極品安格斯肥牛🥩]
一上到嚟個賣相已經十分吸引😍牛肉嘅雪花分明，油脂分布平均～個人鍾意放到麻辣湯淥一淥，入口嫩滑得嚟又吸晒麻辣湯嘅香味，又係encore之選！

[極品黑豚肉🐷]
黑豚肉同樣都係油花十分之靚，入口嘅肉味都十足～

[腐竹雞蛋沙冰🍧]
個人覺得全餐飯最驚艷到我嘅就係呢個餐廳送嘅腐竹雞蛋沙冰！唔單止佢呢個容器嘅設計十分特別，入面嘅腐竹雞蛋沙冰亦都十分之順口同有特色，好似濃縮咗嘅腐竹雞蛋糖水咁，好清新同解渴～

總括而言，呢間係絕對值得encore嘅一間火鍋店！

張貼
