海街丼 (海光街) (已搬遷) 新店位置

今日同男朋友去左食呢間日本丼，門口已經覺得個裝潢好靚好有日本風味。入面仲靚，令人覺得置身於日本既感覺。menu有中文有日本，好似去左日本食飯咁，個感覺好正。<海寶丼連茶漬飯高湯，$150>我地叫左個海寶丼，刺身全部都好新鮮好鮮甜，佢配左個醋啫喱，可以隨個人喜好加入啫喱，變成壽司飯。茶漬飯都好唔錯，係香濃既魚湯，但係個人覺得魚生飯好食過茶漬飯。不過一飯兩個食法又係唔同既體會。<滑蛋豬扒飯，$120>表面看似普通既滑蛋豬扒飯，其實食落真係好好食。滑蛋真係滑蛋，又唔會太濃味太咸。吉列豬扒炸到外脆內軟，唔會好厚粉。配左個辣辣地既蕃茄，既開胃又惹味。我好推薦大家去海街丼，除左食物質素高之外，個環境真係好好，好悠閒好舒服，食個晚餐食得好relax。