水木日本料理 (已結業)

今日同隻狗去咗灣仔spca度睇醫生 睇完之後阿爸車返隻狗返屋企 我就繼續喺香港到行下街先 行完之後就去咗呢間水木嗰度食飯 間餐廳係一間日本餐廳嚟嘅 裝修同埋佈置都非常之和風 令人恍如置身日本之中 喺呢個唔可以去旅行嘅年代 香港仍有一份日本嘅情懷首先叫咗一個刺身沙律 呢個沙律有三文魚 吞拿魚 帶子等等嘅時令新鮮刺身 全部都好鮮甜可口 尤其是帶子 帶子本身淋淋地但係充滿海水嘅鮮味 三文魚肉質肥厚 而且脂肪豐富 令人食完又想食 配上酸酸嘅沙律醬 令到成個沙律更加開胃跟住就叫咗一碟香腸食下 估唔到日本餐廳都有類似台灣腸嘅餸菜食 同埋台灣腸差唔多但係冇咁甜跟住就叫咗一個炒雜菜 雜菜炒得幾有焦香味 而且有啲菜都炒得好爽脆 比出面食到嘅好食少少朋友表示唔係好夠飽 咁就叫咗個海鮮炒飯畀佢哋 海鮮炒飯材料有蝦仁 青豆 少少三文魚等等 食落同出面差唔多 但係呢個炒飯唔係好多油 值得一讚跟住就到壽司盛合 呢個壽司盛合簡直不得了 用料豐富 而且非常之上等 有馬糞海膽 珍寶赤貝 帶子 鰤魚等等 全部都係上等時令嘅食材 而且全部都好新鮮可口 鮮甜味美 我個人最鍾意帶子 因為食過咁多刺身 最好都係帶子刺身 其實海膽